Seguindo polo sendeiro chegamos ao litoral do Cadramón, neste sector desenvolveuse unha salientable furna, produto da evolución xeomorfolóxica vista xa na praia das Catedrais. A escasos metros pode observarse tamén un fermoso arco rochoso, pero neste caso o máis significativo é a presenza de rochas dun aspecto verdoso denominadas diabasas, que cicatrizan a fractura que deu orixe a este arco.