Praia dos Castros
É xunto á das Catedrais unha das praias máis emblemáticas de Ribadeo.
Debido á súa situación, a exposición ao vento e correntes fai que sexa a praia coa ondada máis forte de toda a zona costeira ribadense.
Praia de 100 metros de lonxitude por 15 m de anchura que pode variar segundo a marea, chegando, en ocasións, a cubrirse toda a praia polo mar. Está composta de cantos, rocha e area branca.
Está illada, pero dispón dun paseo marítimo na súa contorna e dun aparcamento xunto á estrada costeira ademais de escaleira de acceso. O seu grao de ocupación é medio e dispón de servizos básicos: servizo de socorristas, duchas, papeleiras e limpeza no verán.
Hai que ter moito coidado ao achegarse á base dos cantís, xa que a costa é moi activa e poden producirse desprendementos de rochas.
