Praia da Areosa
É unha pequena praia que se localiza a uns 700 metros da poboación de Piñeira.
Dispón na parte superior dun pequeno aparcamento e unha área de descanso con tres mesas e dúas grellas. Aínda estando illada, accédese a ela por unhas escaleiras apoiadas na rocha.
A súa extensión é de 90 metros por 40 metros de anchura, e está formada por rochas e area branca. Debido á morfoloxía costeira e á orientación desta praia, a ondada é moi pouco intensa, sendo moi tranquila e resgardada.
