Cultura
e
Arte
Ribadeo ofrece unha ampla oferta cultural de calidade e aberta a todos os visitantes que se acheguen a vila. Durante todo o ano, sempre se encontrará en Ribadeo algo para ver ou para facer. Para elo, dispoñemos de diversos espazos privilexiados , dotados dunha programación pensada para todos os públicos e que atende a xéneros moi diversos: dende o teatro, Ribadeo pertence a Rede Galega de Teatros e Auditorios, á música, pasando polas artes plásticas, producións audiovisuais ideadas especificamente para os cativos.
O ciclo Máis preto de ti acerca todo tipo de obras a todos os recunhos da vila. Teatro, contacontos, cine e outras actividades organízanse a miúdo nas diferentes parroquias do concello.
En Ribadeo teñen lugar numerosos festivais:
Festival Jazz Blues: Nas últimas semanas de xullo. Un festival que recolle o mellor da música jazz do panorama internacionel, acompañado de actividades como exposicións, conferencias, mesas redondas, mesas de cine e mercados discográficos.
Festival de Habaneras: En agosto. Organizadas pola Coral de Ribadeo, participan a formación convocante e como mínimo outras dous procedentes doutras localidades.
Festival internacional de música clásica: En agosto. Ten lugar a cita estival anual con intérpretes chegados de distintos países.
Ribadeo conta cunha programación de exposicións durante todo o ano vinculadas tanto como ás novas correntes artísticas como ás propostas máis clásicas.
O Forte de San Damián recolle gran parte da programación referente ás artes plásticas.
