Ensenada do Loureiro
Seguindo o sendeiro cara o Leste atopámonos coa seguinte parada, a enseada do Loureiro, un sector onde de novo se evidencia que seguimos na zona de charnela dun gran pregue, tal e como pon de manifesto o conxunto de pregues con forma de “m” presentes nesta zona. En numerosas ocasións é posible atopar estas estruturas cunha vistosa erosión diferencial, un feito moi chamativo e singular do litoral ribadense.
É tamén característico do litoral da enseada do Loureiro, a presenza de filóns de seixo, resultado da circulación de augas moi quentes entre as fendas das rochas desta zona. Algúns destes filóns incluso se atopan cortados por fallas que lles fan perder a continuidade.
Do mesmo xeito son frecuentes os exemplos de haloclastia, un novo fenómeno xeolóxico, resultado da interacción entre o salseiro mariño e os graos minerais presentes nas rochas, dando lugar a unhas estruturas circulares a modo de cazoliñas.
