Litoral de Rinlo
Nesta parte do litoral de Rinlo atopamos unhas rochas, cuarcitas e lousas, con diferente dureza e resistencia fronte ao desgaste. Este fenómeno coñécese como erosión diferencial, así, as lousas son moito máis brandas que as cuarcitas, o que fai que estas últimas queden en resalte.
No cantil deste sector da costa ribadense é habitual ver a moitas mulleres xogándose a vida para arrancarlles ás rochas unha fonte de sustento imprescindible para a economía familiar, o percebe. Esta perigosa profesión era tradicionalmente feminina. Mentres os homes estaban nos barcos, ás veces ausentes durante meses, as mulleres buscaban o sustento mariscando e cultivando a terra.
