Rúa Amando Pérez
Esta rúa arrinca no punto onde se atopaba a «Porta da Vila” da antiga muralla, e a casa onde naceu e morreu Don Amando Pérez Martínez, “modelo de médicos e gran amigo dos pobres”, segundo reza a placa colocada na súa honra. Anteriormente chamouse Rúa Grande, Maior e da Paz.
Estreita e con forte pendente de baixada cara á zona do Porto de Porcillán, esta rúa conserva un bo número de vivendas tradicionais, tanto humildes como outras de maior embergadura. Entre elas, a fermosa Casa de Don Clemente, que nos achega -cos seus balcóns e galerías-, á pegada que a emigración a América deixou na idiosincrasia ribadense.
Outros espazos reseñables desta rúa son o Pazo dos Miranda, propiedade de D. Pedro de Miranda Osorio, que fixo fortuna no século XVIII co comercio de madeira, e a Casa de Abaixo, construída por Francisco Antonio Bengoechea e adicada a actividades comerciais, navieiras e bancarias a comezos do s. XIX.
