Se continuamos camiñando máis cara o Oeste chegamos á zona das cetarias de Rinlo, antigas industrias do cultivo de marisco que aproveitaron formas litorais, furnas, para establecerse alí. Nestes pequenos abrigos da costa creábanse unha especie de piscinas naturais onde se criaban, entre outras, lagostas e centolas. En total chegou a haber 3 en funcionamento, e supuxeron un pulo na economía da vila.