Casa da Axudantía
Este edificio foi mandado construír en 1886 por Francisco López García e o seu nome obedece a que durante varios decenios acolleu á Axudantía da Comandancia de Marina. O edificio demostra a puxanza do ferro como solución decorativa e a arte da ferrería, en competencia coa ebanistería.
O inmoble foi concibido como residencia unifamiliar. Na planta baixa, o elemento máis destacable son dúas lixeiras columnas de fundición que soportan a pétrea soleira do balcón do nivel superior. Na primeira planta, atópase o balcón de fina reixería e portas de madeira recercadas cunha sobria moldura.
A ámbolos dous lados, miradoiros metálicos con decoración colgante. A terceira planta, coroa o edificio cunha simple resolución de tres xanelas con apertura cara a fóra e protección de reixa de fundición no interior.
