Tamén instalada nunha furna, pero de menor tamaño, aproveitando tamén unha entrada do mar. Dispoñía de dúas instalacións: unha natural, utilizando o mesmo sistema tradicional que renovaba a auga mediante as mareas, e outra instalación artificial, que se localizaba nun edificio con varios tanques onde se separaban as especies. Esta última instalación precisaba do bombeo continuo de auga de mar para manter o marisco vivo e non en poucas ocasións o corte de corrente eléctrica produciu perdas importantes.